හිටපු අමාත්ය සහ ජාතික නිදහස් පෙරමුණේ නායක විමල් වීරවංශ මහතා අත්අඩංගුවට ගෙන අධිකරණයට ඉදිරිපත් කරන ලෙස දන්වා කොළඹ මහාධිකරණය අද (ජනවාරි 14) වරෙන්තු නිකුත් කළේය. මෙම නියෝගය නිකුත් කරනු ලැබුවේ කොළඹ මහාධිකරණ විනිසුරු මොහොමඩ් මිහාල් මහතා විසිනි.
රුපියල් මිලියන 75ක වත්කම් චෝදනා
විමල් වීරවංශ මහතාට එරෙහිව මෙම නඩුව පවරා ඇත්තේ අල්ලස් හෝ දූෂණ චෝදනා විමර්ශන කොමිෂන් සභාව විසිනි. 2009 ජනවාරි 01 වැනිදා සිට 2014 දෙසැම්බර් 31 වැනිදා දක්වා කාලය තුළ අමාත්යවරයෙකු ලෙස කටයුතු කරමින් සිටියදී, සිය සාධාරණ ආදායමෙන් උපයාගත නොහැකි රුපියල් මිලියන 75කට අධික මුදල් සහ වත්කම් නීතිවිරෝධී ලෙස උපයා ගත් බවට ඔහුට චෝදනා එල්ල වී ඇත. අල්ලස් පනත යටතේ මෙලෙස වත්කම් උපයා ගැනීම දඬුවම් ලැබිය හැකි වරදකි.
නඩු විභාගය මඟහැරීම
අද දින මෙම නඩුව කැඳවනු ලැබූ අවස්ථාවේදී විත්තිකාර විමල් වීරවංශ මහතා අධිකරණය හමුවේ පෙනී නොසිටි අතර, ඒ පිළිබඳව සාධාරණ හේතුවක් ඉදිරිපත් කිරීමට ද විත්ති පාර්ශවය අපොහොසත් විය. ඒ අනුව විත්තිකරු අධිකරණය මඟහැර ඇති බව තීරණය කළ විනිසුරුවරයා, ඔහු අත්අඩංගුවට ගෙන ඉදිරිපත් කරන ලෙස පොලිසියට නියෝග කළේය.
එමෙන්ම, විත්තිකරු වෙනුවෙන් පෙනී සිටි ඇපකරුවන්ට ද දැඩි ලෙස අවවාද කළ අධිකරණය, මීළඟ නඩු වාරයේදී අනිවාර්යයෙන්ම අධිකරණය හමුවේ පෙනී සිටින ලෙස දන්වා ඔවුන්ට නොතීසි නිකුත් කිරීමට ද පියවර ගත්තේය.
මෑතකාලීන දේශපාලන ක්රියාකාරකම්
පසුගිය දින කිහිපය පුරාම විමල් වීරවංශ මහතා අධ්යාපන ප්රතිසංස්කරණවලට එරෙහිව "ඉසුරුපාය" අධ්යාපන අමාත්යාංශය ඉදිරිපිට අඛණ්ඩ සත්යග්රහයක නිරත වූ අතර, ඔහු ඊයේ (ජනවාරි 13) එම සත්යග්රහය අවසන් කර තිබුණි. එවැනි පසුබිමක මෙම වරෙන්තුව නිකුත් වීම දේශපාලන කරළියේ දැඩි කතාබහට ලක්ව තිබේ.
The Colombo High Court issued an arrest warrant for former Minister Wimal Weerawansa on January 14, 2026, for failing to appear in court. The case, filed by the Bribery Commission, alleges that Weerawansa illegally acquired assets worth over Rs. 75 million during his ministerial tenure between 2009 and 2014. High Court Judge Mohamed Mihal ordered the police to arrest and produce him before the court. Additionally, notices were issued to his bail guarantors to appear at the next hearing.
What do you think..?
0 Comments