ආණ්ඩුවට ඕන විදියට හරිනිව එළියට දාන්න අපි උදව් කරන්නේ නෑ

 

අගමැතිනිය ඇතුළු රජයට එරෙහිව විශ්වාසභංග යෝජනාවක් ගෙන එන බවට මීට පෙර ප්‍රකාශ කළ සමගි ජන බලවේගයේ මහලේකම්වරයා, දැන් ඒ පිළිබඳව හාත්පසින්ම වෙනස් ප්‍රකාශයක් සිදු කර තිබේ. ඔහු පවසන්නේ ආණ්ඩුවට අවශ්‍ය වී ඇත්තේ මෙම විශ්වාසභංගය හරහා අගමැතිනිය ධුරයෙන් ඉවත් කර පක්ෂය තුළ පවතින අර්බුද විසඳා ගැනීමට බවයි.

"ආණ්ඩුවට ඕන වෙලා තියෙනවා විශ්වාසභංගයකින් හරිනි අගමැතිනියව එළියට දාන්න. හැබැයි අපි ආණ්ඩුවට ඕන දේ කරන්න ලෑස්ති නෑ," යනුවෙන් ඔහු වැඩිදුරටත් සඳහන් කළේය. විශ්වාසභංගයක් ගෙන ඒම පක්ෂයේ උපාය මාර්ගික තීරණයක් මිස ආණ්ඩුවේ වුවමනාවන් ඉටු කිරීමක් නොවන බව ඔහු අවධාරණය කරයි.

මෙම ප්‍රකාශයත් සමඟ විපක්ෂය තුළ මෙන්ම දේශපාලන කරළිය තුළ ද දැඩි කතාබහක් නිර්මාණය වී ඇත. විශ්වාසභංගය ගෙන ඒම ප්‍රමාද කිරීම හෝ එය අත්හැර දැමීම සඳහා විපක්ෂය උත්සාහ කරන්නේද යන්න පිළිබඳව දේශපාලන විචාරකයෝ සැක පළ කරති.

SJB Secretary General's Sudden Shift on No-Confidence Motion against PM Harini

The General Secretary of the Samagi Jana Balawegaya (SJB) has made a controversial statement regarding the proposed no-confidence motion against Prime Minister Harini Amarasuriya. 

He stated that the government intends to use the opposition's motion as a tool to remove the PM and resolve internal government conflicts. "We will not do what the government wants," he said, hinting at a strategic delay or reconsideration of the motion to avoid playing into the government's hands.