තමන්ව මෙලොවට බිහිකළ වෛද්‍යවරයාගේම ශිෂ්‍යාවක වූ දැහැමිගේ සංවේදී කතාව!

❤️වසර 27කට පෙර තමන්ව මෙලොවට බිහිකළ විශේෂඥ වෛද්‍යවරයා යටතේම වෛද්‍ය ශිෂ්‍යාවක ලෙස පුහුණුව ලැබීමට වෛද්‍ය ශිෂ්‍ය දැහැමි ජයරත්න මෙනවියට අවස්ථාව හිමිවෙයි. දෛවෝපගත ලෙස සිදුවූ මෙම අපූරු හමුවීම මේ වන විට සමාජ මාධ්‍ය ඔස්සේ කාගේත් අවධානයට ලක්ව තිබේ.

ජීවිතය කියන්නේ පුදුමාකාර සිදුවීම් පෙළක එකතුවක්. ඇතැම් විට අප කිසිසේත්ම බලාපොරොත්තු නොවන මොහොතක දෛවය අපව පුදුමයට පත් කරනවා. එවැනි අතිශය සංවේදී සහ දුර්ලභ ගණයේ පුවතක් පසුගියදා වෛද්‍ය ක්ෂේත්‍රයෙන් වාර්තා වුණා. මේ කතාවේ ප්‍රධාන චරිත දෙක වන්නේ ප්‍රසව හා නාරිවේද විශේෂඥ වෛද්‍ය කේ. ඒ. ගුණරත්න මහතා සහ වෛද්‍ය ශිෂ්‍ය දැහැමි ජයරත්න මෙනවියයි.

කතාව ආරම්භ වන්නේ මීට වසර 27කට පෙර, එනම් 1999 වර්ෂයේදීයි. දැහැමිගේ මවගේ සිසේරියන් සැත්කම (LSCS) සිදුකර ඇයව මෙලොවට බිහිකර ගැනීමට නායකත්වය ලබා දී තිබුණේ එවකටත් දක්ෂ වෛද්‍යවරයෙකු වූ කේ. ඒ. ගුණරත්න මහතායි. වසර 27ක් පුරා අම්මා විසින් ඉතා සුරක්ෂිතව තබාගෙන සිටි එම ඩිස්චාර්ජ් කාඩ්පත (Discharge Card) අද දැහැමිගේ සහ ගුණරත්න වෛද්‍යවරයාගේ දෛවෝපගත හමුවීමට පාලමක් වී තිබෙනවා.