ලෝක ප්‍රකට සුරතල් බල්ලා ආලෝකා (Aloka) ලංකාවට එයි!

                  

ලෝක ව්‍යාප්තව සත්ව හිමිකම් සහ වීදි සතුන්ගේ සුබසාධනය වෙනුවෙන් පෙනී සිටින, සමාජ මාධ්‍ය ජාලාවල අතිශය ජනප්‍රියත්වයක් දිනාගත් සුරතල් බල්ලා වන "ආලෝකා" (Aloka) සහ ඇයගේ හිමිකාරිය ඇතුළු කණ්ඩායම මේ වන විට ශ්‍රී ලංකාවේ විශේෂ සංචාරයක නිරත වෙමින් සිටියි. දකුණු ආසියානු කලාපයේ වීදි සතුන්ගේ ඉරණම සහ ඔවුන් මුහුණ දෙන අවාසනාවන්ත තත්ත්වය පිළිබඳව ජාත්‍යන්තර අවධානය යොමු කිරීමේ අරමුණින් මෙම සංචාරය සංවිධානය කර ඇති බව වාර්තා වේ. ආලෝකා යනු හුදෙක් සුරතල් සතෙකු පමණක් නොව, වීදි වල අසරණව දුක් විඳින දහස් සංඛ්‍යාත සතුන් වෙනුවෙන් හඬක් නැගීමට පැමිණි සාම දූතයෙකු ලෙස සත්ව ලෝලීන් අතර ප්‍රකටව සිටියි. ඇයගේ පැමිණීමත් සමඟ ලංකාවේ වීදි සුනඛයන් පිළිබඳව වන කතාබහ නැවත වරක් කරළියට පැමිණ ඇති අතර, එය සත්ව හිංසනයට එරෙහිව නැගී සිටින අරගලයක හැරවුම් ලක්ෂ්‍යයක් වනු ඇතැයි බොහෝ දෙනා බලාපොරොත්තු වෙති.

ආලෝකා ගේ හිමිකාරිය පවසන පරිදි, පාරක අසරණව සිටින සතෙකුට නියමිත රැකවරණය, ආදරය සහ කරුණාව ලබා දුන් විට එම ජීවිතය කෙතරම් උසස් මට්ටමකට ඔසවා තැබිය හැකිද යන්න ආලෝකා ගේ ජීවිතය හරහා ලෝකයටම ඔප්පු කර පෙන්වා දී ඇත. ඇය ලංකාවට පැමිණීමෙන් බලාපොරොත්තු වන්නේ මෙරට වීදි සතුන්ට වඩා යහපත් හෙට දවසක් නිර්මාණය කිරීමට අවශ්‍ය ආකල්පමය වෙනසක් ඇති කිරීමයි. කෙසේ වෙතත්, මෙම සංචාරය පිළිබඳව ඇතැම් පිරිස් විවිධ අදහස් පළ කරන ආකාරය ද දැකගත හැකිය. සමහර දෙනා මෙය ඉතා උතුම් ක්‍රියාවක් ලෙස අගය කරන අතර, තවත් පිරිසක් මෙය විකාරයක් ලෙස හඳුන්වමින් විවේචනය කිරීමට ද උත්සාහ කරති.

බල්ලෙකු වටා මෙවැනි උනන්දුවක් ඇති වන්නේ කුමන පදනමක් මත දැයි ප්‍රශ්න කරන අයට දිය හැකි හොඳම පිළිතුර වන්නේ, ආදරය සහ කරුණාව මගින් ඕනෑම ජීවිතයක් වෙනස් කළ හැකි බවට ආලෝකා සපයන ජීවමාන ආදර්ශයයි. සතෙකුට දක්වන දයාව මිනිසෙකුගේ ගුණාංග මනින මිනුම් දණ්ඩක් ලෙස සැලකේ. ඇල්කා හරහා සමාජයට පෙන්වා දෙන්නේ වීදි සුනඛයන් යනු කරදරයක් නොව, අපගේ ආදරය ලැබිය යුතු කොටසක් බවයි. ලංකාව වැනි රටක වීදි සතුන් කළමනාකරණය කිරීමේදී පවතින අභියෝග රාශියකි. වගකීම් විරහිත ලෙස සතුන් පාරට දැමීම සහ ඔවුන්ට එරෙහිව සිදුවන හිංසනයන් වැළැක්වීමට ආලෝකා ගේ මෙම සංචාරය මගින් ලැබෙන ප්‍රචාරණය ඉමහත් පිටුවහලක් වේ. ලෝකය පුරා සිටින සත්ව ලෝලීන් ඇල්කාගේ ගමන දෙස විමසිල්ලෙන් බලා සිටින අතර, ශ්‍රී ලාංකිකයන් ලෙස අප මෙම අවස්ථාවට දක්වන ප්‍රතිචාරය අපගේ සංස්කෘතික සහ සදාචාරාත්මක මට්ටම ජාත්‍යන්තරයට විදහා දක්වයි.

ඇල්කාගේ පැමිණීමෙන් සිදුවිය යුත්තේ අපේ රටේ වීදි සුනඛයන්ගේ ජීවන තත්ත්වය උසස් වීමට මඟ පෑදීමක් මිස, පටු අරමුණු වෙනුවෙන් කරන විවේචන නොවේ. සැබෑ මානුෂීය ගුණය හඳුනන ඕනෑම අයෙකුට ඇල්කාගේ මෙම ගමන තුළ ඇති ගැඹුරු අර්ථය වටහා ගත හැකිය. මෙම ක්‍රියාවලියට සහයෝගය ලබා දීමට නොහැකි නම්, අවම වශයෙන් එයට බාධා නොකර නිහඬව සිටීම ශිෂ්ට සම්න්න ජනතාවකගේ ලක්ෂණයකි. අප කළ යුත්තේ ඔවුන්ගෙන් ලබාගත හැකි හොඳ ආදර්ශයන් ලබාගෙන අපේ රටේ වීදි සතුන් වෙනුවෙන් වඩාත් යහපත් හෙට දවසක් නිර්මාණය කිරීමට කැපවීමයි.