ඊශ්‍රායලයේ 'අයන් ඩෝම්' එකටත් අභියෝග කළ හැකි ඉරානයේ 'ෆාටා-2' (Fattah-2) හයිපර්සොනික් මිසයිල බලය!

 

ඊශ්‍රායලය සහ ඇමරිකාව එල්ල කරන ප්‍රහාරවලට ප්‍රතිප්‍රහාර දීමට ඉරානය සතු ප්‍රබලම අවිය වන්නේ Fattah-2 (ෆාටා-2) හයිපර්සොනික් මිසයිලයයි. 

මෙය ශබ්දයේ වේගය මෙන් 15 ගුණයක (Mach 15) වේගයෙන් ගමන් කළ හැකි අතර, කිලෝමීටර් 1,400කට වඩා වැඩි දුරකට ඉතා නිවැරදිව පහර දීමේ හැකියාව ඇත.

සාමාන්‍ය මිසයිල මෙන් නොව, මෙම හයිපර්සොනික් මිසයිල ගමන් කරන්නේ සෘජු මාර්ගයක නොවේ. ඒවාට ගුවනේදී තමන් ගමන් කරන මාවත වෙනස් කළ හැකි බැවින් (Maneuverability), ඊශ්‍රායලයේ 'Iron Dome' හෝ 'Arrow' වැනි ආරක්ෂක පද්ධතිවලට පවා මේවා හඳුනාගෙන විනාශ කිරීම අතිශය දුෂ්කරය.

 ඉරාන බලධාරීන් පවසන්නේ මෙය කිසිදු ආරක්ෂක පද්ධතියකට නැවැත්විය නොහැකි "අපරාජිත" අවියක් බවයි. ඇමරිකානු බුද්ධි අංශ පවා මෙම මිසයිල තාක්ෂණය ගැන දැඩි අවධානයෙන් පසුවෙයි.