මිනිත්තු 5න් ස්මාර්ට් ජංගම දුරකථන ආරෝපණය කළ හැකි නවතම 'ග්‍රැෆීන්' බැටරිය නිපදවයි

වර්තමාන ලෝකයේ ස්මාර්ට් ජංගම දුරකථන සහ විද්‍යුත් වාහන (EV) පරිශීලකයන් මුහුණ දෙන ප්‍රධානතම ගැටලුවක් වන බැටරි ආරෝපණය කිරීමේ ප්‍රමදයට ස්ථිර විසඳුමක් ලබා දීමට විද්‍යාඥයින් පිරිසක් සමත්ව තිබේ. 

දකුණු කොරියාවේ සහ ඇමරිකාවේ පර්යේෂකයන් පිරිසක් එක්ව සිදු කළ මෙම නව සොයා ගැනීම මගින් 'ග්‍රැෆීන්' (Graphene) තාක්ෂණය උපයෝගී කරගනිමින් ඕනෑම බැටරියක් මිනිත්තු 5කට අඩු කාලයකදී 100%ක් ආරෝපණය කිරීමේ හැකියාව පෙන්වා දී ඇත.

දැනට අප භාවිතා කරන ලිතියම්-අයන (Lithium-ion) බැටරි ආරෝපණය වීමට සාමාන්‍යයෙන් පැයකට ආසන්න කාලයක් ගතවන අතර කාලයත් සමඟ ඒවායේ ගබඩා කිරීමේ ධාරිතාව අඩු වේ. නමුත් මෙම නව 'ග්‍රැෆීන් ඇනෝඩ' බැටරි:

අතිශය වේගවත්: සාමාන්‍ය බැටරියකට වඩා 10 ගුණයක් වේගයෙන් ආරෝපණය වේ.

බැටරිය දුර්වල නොවී වසර 10කට වඩා වැඩි කාලයක් භාවිතා කළ හැක.

 ආරෝපණය කිරීමේදී බැටරිය රත් වීම ඉතා අවම මට්ටමක පවතී.

මෙම සොයා ගැනීම ජංගම දුරකථනවලට පමණක් නොව, විද්‍යුත් මෝටර් රථ (Electric Cars) සඳහාද මහත් ආශිර්වාදයකි. විද්‍යුත් වාහනයක් ආරෝපණය කිරීමට ගතවන පැය ගණනක කාලය මෙවැනි බැටරි මගින් මිනිත්තු කිහිපයක් දක්වා අඩු වනු ඇත. 

2026 වසර අවසානය වන විට මෙම තාක්ෂණය ප්‍රධාන පෙළේ ස්මාර්ට් පෝන් සමාගම් විසින් වෙළඳපොළට හඳුන්වා දීමට නියමිත බව වාර්තා වේ.

මෙය බලශක්ති ක්ෂේත්‍රයේ සිදු වූ දැවැන්තම පිම්මක් ලෙස විද්‍යාඥයෝ හඳුන්වති.