සමස්ත ලංකා පාසල් සංවර්ධන නිලධාරීන්ගේ සංගමය විසින් ගුරු සේවයට බඳවා ගන්නා ලෙස ඉල්ලා ජනාධිපති ලේකම් කාර්යාලය ඉදිරිපිට පවත්වන සත්යග්රහය සහ මාරාන්තික උපවාසය පිළිබඳව අදහස් දක්වමින් නාමල් රාජපක්ෂ මහතා අද විශේෂ ප්රකාශයක් කළේය. ඔහු කියා සිටියේ, පසුගිය රජයන් සමයේ ජනතා විමුක්ති පෙරමුණට සම්බන්ධ ගුරු සංගම් දේශපාලන අරමුණු වෙනුවෙන් දිගින් දිගටම වැඩ වර්ජන කරද්දී, පාසල් දරුවන්ගේ අධ්යාපනය කඩා වැටෙන්නට නොදී ඉගැන්වීම් කටයුතු කළේ අද පාරට වැටී සිටින මෙම සංවර්ධන නිලධාරීන් සහ උපාධිධාරීන් බවයි.
"බලයට එන්න උදව් ගත්තා - දැන් ද්රෝහිකම් කරනවා" "
එදා ජේ.වී.පී එකේ ගුරු සංගම් පාරට බැහැලා දරුවන්ගේ අනාගතය එක්ක සෙල්ලම් කරද්දී, මේ උපාධිධාරී නිලධාරීන් තමයි පන්ති කාමරවලට වෙලා දරුවන්ට ඉගැන්නුවේ. එදා ඒ කරපු සේවය අමතක කරලා, අද මේ ආණ්ඩුව ඔවුන්ව පාරට ඇදලා දාලා තියෙනවා. මැතිවරණ කාලේ උපාධිධාරීන්ගේ ඡන්දය ගන්න පොරොන්දු මලු දුන්නු අය, අද ඔවුන්ට ගුරු පත්වීම් දෙන්න විභාග තියනවා," යැයි රාජපක්ෂ මහතා වැඩිදුරටත් පැවසීය.
වත්මන් අර්බුදය
කොළඹ ජනාධිපති ලේකම් කාර්යාලය ඉදිරිපිට පැවැත්වෙන සංවර්ධන නිලධාරීන්ගේ උපවාසය අද වන විට 7 වන දිනටත් ක්රියාත්මක වේ. පවතින ගුරු හිඟය පියවීමට තමන්ව ගුරු සේවයට අනුයුක්ත කරන ලෙස ඔවුන් ඉල්ලා සිටියද, ආණ්ඩුව ඔවුන්ට විධිමත් විසඳුමක් ලබා නොදීම මත මෙම දේශපාලන උණුසුම තවත් වැඩි වී තිබේ.
0 Comments