ඉරාන හිටපු ජනාධිපති මහමුද් අහමදිනෙජාඩ් ඝාතනය වෙයි!

                                

ඉරාන උත්තරීතර නායකයාගේ අභාවයෙන් පැය කිහිපයකට පසු, එරට හිටපු ජනාධිපතිවරයෙකු සහ ප්‍රබල දේශපාලන නායකයෙකු වන මහමුද් අහමදිනෙජාඩ් ද ඇමරිකානු සහ ඊශ්‍රායල ප්‍රහාර හමුවේ දිවි පිදූ බව ඉරාන මාධ්‍ය තහවුරු කරයි. ටෙහෙරාන් නුවර පිහිටි ආරක්ෂිත ස්ථානයක් ඉලක්ක කර ගනිමින් එල්ල වූ බංකර් විදින (Bunker Buster) මිසයිල ප්‍රහාරයකින් ඔහු ඇතුළු හිතවාදීන් පිරිසක් මෙසේ මියගොස් තිබේ.

​අහමදිනෙජාඩ් යනු ඊශ්‍රායලයට එරෙහිව දැඩි ස්ථාවරයක සිටි, බටහිර රටවල දැඩි විවේචනයට ලක් වූ නායකයෙකි. ඔහුගේ ඝාතනයත් සමඟ ඉරානයේ දේශපාලන ස්ථාවරත්වය සම්පූර්ණයෙන්ම බිඳ වැටී ඇති අතර, ඉරාන හමුදාව දැන් කිසිදු පාලනයකින් තොරව තම සියලු මිසයිල බලය ඇමරිකානු සහ ඊශ්‍රායල ඉලක්ක වෙත මුදාහැරීමට තීරණය කර ඇති බව වාර්තා වේ.

​මෙම ඝාතනයත් සමඟ මැදපෙරදිග කලාපයේ ඉරාන හිතවාදී "ප්‍රතිරෝධී කණ්ඩායම්" (Axis of Resistance) සියලුම සීමාවන් ඉක්මවා යමින් ප්‍රහාර එල්ල කිරීම ආරම්භ කර ඇත. ලෝක දේශපාලන විශ්ලේෂකයන් පෙන්වා දෙන්නේ ඉරානයේ පාලන තන්ත්‍රයේ ඉහළම පුරුක් මෙසේ එකින් එක ඝාතනය කිරීම නිසා, ඉරානය සතුව පවතින න්‍යෂ්ටික අවි (Nuclear Weapons) පවා පාවිච්චි කිරීමේ අවදානමක් දැන් උද්ගත වී ඇති බවයි. මුළු මහත් මැදපෙරදිගම අළු දූවිලි බවට පත් කළ හැකි මහා සංහාරයක පෙරනිමිති දැන් පහළ වී තිබේ.