ඊශ්‍රායලයේ "අයන් ඩෝම්" (Iron Dome) පද්ධතිය අඩපණ වෙයිද? ඉරාන මිසයිල වර්ෂාව හමුවේ ඇති මාරක අභියෝගය.

                                 

මැදපෙරදිග කලාපය මහා යුද පිටියක් බවට පත් කරමින් ඉරාන විප්ලවීය ආරක්ෂක බලකාය (IRGC) විසින් "True Promise 4" මෙහෙයුමේ හයවන අදියර අද (මාර්තු 1) අලුයම ආරම්භ කර තිබේ.

ඉරාන උත්තරීතර නායකයාගේ අභාවයෙන් පසු එල්ල වූ මෙම ප්‍රහාර මාලාව මෙතෙක් ඉතිහාසයේ එල්ල වූ දරුණුතම ප්‍රහාරය ලෙස සැලකේ.

ඉරාන නිල නිවේදනවලට අනුව, කලාපය පුරා පිහිටි ඇමරිකානු යුද කඳවුරු 27ක් ඉලක්ක කර ගනිමින් වරකට මිසයිල සහ ඩ්‍රෝන සිය ගණනක් මුදාහැර තිබේ.

මෙහි වඩාත්ම තීරණාත්මක සිදුවීම වන්නේ ඊශ්‍රායලයේ ප්‍රධාන ආරක්ෂක මධ්‍යස්ථාන වන HaKirya හමුදා මූලස්ථානය සහ Tel Nof ගුවන් කඳවුරට ප්‍රහාර එල්ල වීමයි.

ටෙල් අවිව් නුවර පිහිටි ප්‍රධාන ආරක්ෂක කර්මාන්ත ශාලා සංකීර්ණය ද මෙම මිසයිල වර්ෂාවට හසු වී ඇති බව වාර්තා වේ.

"අපි සතුරන්ගේ කඳවුරු තුළ ගුවන් ප්‍රහාරක සයිරන් ශබ්ද නතර වීමට ඉඩ දෙන්නේ නැහැ,"

යැයි පවසමින් ඉරාන සන්නද්ධ බලකාය අවධාරණය කර සිටියේ මෙය හුදෙක් ආරම්භයක් පමණක් බවයි.

මෙම ප්‍රහාරයත් සමඟ ඊශ්‍රායලයේ සහ ඇමරිකානු කඳවුරුවල ආරක්ෂක පද්ධති (Iron Dome සහ Aegis) දැඩි පීඩනයකට ලක්ව ඇති අතර, ඉරානය පවසන්නේ ඉදිරියේදී මීටත් වඩා "වේදනාකාරී" ප්‍රහාර එල්ල කරන බවයි.

මෙම තත්ත්වය හමුවේ ලෝක බලවතුන් වහාම මැදිහත් නොවුවහොත්, මෙය සමස්ත ලෝකයම වෙලාගන්නා මහා යුද්ධයක් බවට පත්වීම වැළැක්විය නොහැක.