🌍🏏 90,000ක් බලා සිටිය අහමදාබාද්!

 

ලෝකයේ විශාලතම ක්‍රිකට් ක්‍රීඩාංගණය වන අහමදාබාද්හි නරේන්ද්‍ර මෝදි ක්‍රීඩාංගණය අද (22) නිල් පැහැති සාගරයක් බඳු විය. ඒ, සත්කාරක ඉන්දියාව සහ දකුණු අප්‍රිකාව අතර පැවැති තීරණාත්මක සුපර් 8 තරඟය නැරඹීමට පැමිණි 90,000කට අධික ප්‍රේක්ෂක පිරිස නිසාය.

තරඟය ආරම්භයේදී ක්‍රීඩාංගණය දෙවනත් කරමින් නැඟුණු ඒ මහා හඬ, තරඟය අවසන් වන විට දැඩි නිහඬතාවයකට පරිවර්තනය විය. ඉලක්කය හඹා යෑමේදී ඉන්දීය පිතිකරුවන් එකා පිට එකා දැවී යද්දී, බලාපොරොත්තු සහගතව පැමිණි ලක්ෂයකට ආසන්න ප්‍රේක්ෂක පිරිසට ඉතිරි වූයේ දැඩි කලකිරීමක් පමණි.

බොහෝ දෙනෙකුට මෙය 2023 වසරේ පැවති එක්දින ලෝක කුසලාන අවසන් මහා තරඟය සිහිපත් කරවන්නක් විය. එදා මෙන්ම අදත්, දැවැන්ත ප්‍රේක්ෂක සහයෝගයක් මැද ඉන්දියාව සිය මව්බිමේදී අසීරු පරාජයක් අත්කර ගත්තේය. 90,000ක් නිහඬ කිරීමේ ගෞරවය දකුණු අප්‍රිකානු පන්දු යවන්නන් සතු වූ අතර, ඉන්දීය ක්‍රීඩාලෝලීන්ට මෙය තවත් එක් අමිහිරි රාත්‍රියක් ලෙස ඉතිහාසයට එකතු විය.