කොළඹ – ශ්රී ලංකා ක්රිකට් කණ්ඩායම යළිත් සුපුරුදු දක්ෂතා අතරට පැමිණීමත් සමඟ ප්රේක්ෂකයින් තුළ ඇති වී තිබෙන නව උද්යෝගය පිළිබඳව හිටපු ශ්රී ලංකා නායක මාවන් අතපත්තු මහතා සිය ප්රසාදය පළ කර තිබේ. විශේෂයෙන්ම ඕස්ට්රේලියාවට එරෙහිව ලැබූ ජයග්රහණය කණ්ඩායමේ විශ්වාසය ඉහළ නැංවීමට විශාල දායකත්වයක් ලබා දුන් බව ඔහු පෙන්වා දෙයි.
- පැතුම් නිස්සංක යනු ශ්රී ලංකා ක්රිකට් ඉතිහාසයේ පිතිකරණ වාර්තා සියල්ල බිඳ හෙලිය හැකි ක්රීඩකයෙකු බවත්, ඔහු තම වටිනාකම තේරුම් ගෙන ක්රීඩා කළ යුතු බවත් මාවන් පැවසීය.
- පවන් රත්නායක ලබාගත් ලකුණු 27 කණ්ඩායමට ඉතා වැදගත් වූ බවත්, ඔහු මැදපෙරළ පිතිකරුවෙකු ලෙස පීඩනය පාලනය කරමින් ක්රීඩා කරන ආකාරය අගය කළ යුතු බවත් ඔහු සඳහන් කළේය.
- අද පැවැත්වෙන සිම්බාබ්වේ තරඟය ජයග්රහණය කරමින් ධනාත්මක මානසිකත්වයකින් යුතුව සුපර් 8 වටයට පිවිසීම වැදගත් බවත්, එහිදී එංගලන්තය වැනි ප්රබල කණ්ඩායම් හමුවන බැවින් කණ්ඩායමේ සූදානම තීරණාත්මක වන බවත් මාවන් වැඩිදුරටත් කියා සිටියේය.
මීට අමතරව, මතීෂ පතිරණගේ ආබාධය හේතුවෙන් ඔහුට තරඟාවලිය අහිමි වීම පාඩුවක් වුවද, ඩිල්ෂාන් මධුෂංක කණ්ඩායමට එක්වීම තුළින් පන්දු යැවීමේ බලඇණිය ශක්තිමත් කර ගත හැකි බවද ඔහු විශ්වාසය පළ කළේය.
0 Comments